ບໍລິສັດ ລາວພັດທະນາ ຂຸດຄົ້ນຖ່ານ...

ສະກຸບຂ່າວ

1.             ບໍລິສັດ ລາວພັດທະນາ ຂຸດຄົ້ນຖ່ານຫີນ ຈໍາກັດຜູ້ດຽວ ໄດ້ເຊັນສັນຍາ ກັບ ລັດຖະບານ ແຫ່ງ ສປປ ລາວ ວ່າດ້ວຍ ການຊອກຄົ້ນ-ສໍາຫຼວດ ຖ່ານຫີນ ຢູ່ເຂດບ້ານກົ້ວ ເມືອງສັງທອງ ນະຄອນຫຼວງວຽງຈັນ ແລະ ບ້ານນໍ້າໂທ່ມ ເມືອງຫີນເຫີບ ແຂວງວຽງຈັນ ໃນຄັ້ງວັນທີ 15/05/2009 ແລະ ໄດ້ຮັບໃບອະນຸຍາດລົງທຶນພາຍໃນ ສະບັບເລກທີ 095-09, ລົງວັນທີ 27 ພຶດສະພາ 2009 ຈາ​ກລັດຖະບານ, ໃບອະນຸຍາດ ຊອກຄົ້ນ ສະບັບເລກທີ 179/ພບ.ບຮ, ລົງວັນທີ 12 ສິງຫາ 2009, ໃບອະນຸຍາດ ສຳຫຼວດ ສະບັບເລກທີ 322/ພບ.ກບຮ, ລົງວັນທີ 11 ມີນາ 2011, ໃບຮັບຮອງບົດລາຍງານ ການສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກຂັ້ນລະອຽດ ສະບັບເລກທີ 0546/ພບ.ກບຮ3, ລົງວັນທີ 20 ມີນາ 2015 ແລະ ບໍລິມາດວຽກທີ່ປະຕິບັດໄດ້ ດັ່ງນີ້:

1.1.            ຂຸດຂຸມສ້າງ 173 ຂຸມ, ຄວາມເລີກ 3-5 ແມັດ.

1.2.            ຂຸດຂຸມຄອງ 44 ຄອງ, ບໍລິມາດຄວາມຍາວທັງໝົດ 2.200 ແມັດ.

1.3.            ວັດແທກທໍລະນີຟີຊິກ 8 ແລວ, ຄວາມຍາວທັງໝົດ 4.665 ແມັດ.

1.4.            ຊີເຈາະ 137 ຮູ, ບໍລິມາດຄວາມເລິກທັງໝົດ 12.279 ແມັດ.

1.5.            ມີປະລິມານສະສົມຖ່ານຫີນ ຈໍານວນ 3.071.598,91 ໂຕນ, ຄວາມຮ້ອນ 4.000-5.501 Kcal/kg.

1.6.            ທຶນເຂົ້າໃນການຊອກຄົ້ນທັງໝົດ ຈໍານວນ 512.110 USD.

1.7.            ທຶນເຂົ້າໃນການສໍາຫຼວດທັງໝົດ ຈໍານວນ 2.520.748 USD.

2.             ບໍລິສັດ ລາວພັດທະນາ ຂຸດຄົ້ນຖ່ານຫີນ ຈໍາກັດຜູ້ດຽວ ໄດ້ເຊັນສັນຍາ ກັບ ລັດຖະບານ ວ່າດ້ວຍ ການຂຸດຄົ້ນ-ປຸງແຕ່ງ ຖ່ານຫີນ ໃນຄັ້ງວັນທີ 6 ເມສາ 2015 ອາຍຸສັນຍາ 15 ປີ ມີເນື້ອທີ່ຂຸດຄົ້ນທັງໝົດ 11 Km², ແລະ ໄດ້ຮັບໃບທະບຽນສໍາປະທານຂຸດຄົ້ນ ສະບັບເລກທີ 022-15/ຜທ.ລທ3, ລົງວັນທີ 01 ມິຖຸນາ 2015, ໃບອະນຸຍາດຂຸດຄົ້ນບໍ່ແຮ່ ສະບັບເລກທີ 436/ພບ.ກບຮ, ລົງວັນທີ 12 ຕຸລາ 2015 ແລະ ໃບອະນຸຍາດສິ່ງແວດລ້ອມ ສະບັບເລກທີ 2389/ກຊສ.ກສລ, ລັງວັນທີ 03 ພະຈິກ 2021.

3.             ບໍລິສັດ ໄດ້ຂຸດຄົ້ນມາແລ້ວ 9 ປີ ແລະ ຂຸດຖ່ານຫີນ ໄປແລ້ວປະມານ 35 %, ບໍລິສັດ ລາວພັດທະນາ ຂຸດຄົ້ນຖ່ານຫີນ ຈໍາກັດຜູ້ດຽວ ໃນນາມເຈົ້າຂອງໂຄງການ ມີແຜນເພີ່ມທີມງານຂຸດຄົ້ນ ເຂົ້າຕື່ມ ຈໍານວນ 05 ທີມງານ ເພື່ອເພີ່ມກໍາລັງການຜະລິດຖ່ານຫີນ ຕອບສະໜອງໃຫ້ລູກຄ້າທັງພາຍໃນ ແລະ ຕ່າງປະເທດ ທີ່ຕ້ອງການຊື້ຖ່ານຫີນ ຈໍານວນຫຼາຍ, ຊຶ່ງປະຈຸບັນນີ້ ທາງເຈົ້າຂອງໂຄງການ ໄດ້ເຊັນສັນຍາ ຮັບທີມງານຂຸດຄົ້ນເຂົ້າມາ ຈໍານວນ 01 ທີມງານ ເພື່ອໃຫ້ການຂຸດຄົ້ນຖ່ານຫີນ ໃຫ້ໄດ້ຕາມແຜນ ແລະ ເປົ້າໝາຍທີ່ວາງໄວ້, ນອກນີ້ທາງບໍລິສັດຍັງຕ້ອງການຜູ້ທີ່ສົນໃຈທີ່ມີຄວາມພ້ອມໃນການຂຸດຄົ້ນຖ່ານຫີນ ເຂົ້າເພີ່ມເຕີມອີກ ຈໍານວນ 04 ທີມງານ.

4.             ນອກຈາກການຂຸດຄົ້ນຖ່ານຫີນແລ້ວ, ບໍລິສັດ ລາວພັດທະນາ ຂຸດຄົ້ນຖ່ານຫີນ ຈໍາກັດຜູ້ດຽວ ຍັງລົງທຶນດ້ານກະສິກໍາປູກຝັງ-ລ້ຽງສັດ ຄຽງຄູ່ກັບການຂຸດຄົ້ນ ເປັນຕົ້ນແມ່ນ: ລ້ຽງງົວ, ໝູ, ເປັດ, ໄກ່, ປູກມັນຕົ້ນ, ພືດຜັກຕ່າງໆ ຄຽງຄູ່ກັນໄປ.

ສະນັ້ນ, ທາງເຈົ້າຂອງໂຄງການ  ຈຶ່ງຂໍຮຽນເຊີນ ຜູ້ຊ່ຽວຊານທາງດ້ານການຂຸດຄົ້ນຖ່ານຫີນ ທັງພາຍໃນ ແລະ ຕ່າງປະເທດ ເຂົ້າມາທໍາການຂຸດຄົ້ນຖ່ານຫີນ ຕາມມາດຕະຖານຂໍ້ກໍານົດ ທີ່ທາງເຈົ້າຂອງໂຄງການໄດ້ກໍານົດໄວ້.

v   ຜູ້ທີ່ສົນໃຈ ກະລຸນາຕິດຕໍ່: ສໍານັກງານໃຫ່ຍຕັ້ງຢູ່: ບ້ານດົງນາໂຊກເໜືອ ເມືອງສີໂຄດຕະບອງ ນະຄອນຫຼວງວຽງຈັນ.

1.      ທ່ານ ນາງ ສຸກສາຄອນ ກິ່ງສຸວັນທອງ    ໝາຍເລກໂທລະສັບ: 020 5888 5766.

2.      ທ່ານ ນາງ ມົນ ບຸນປະເສີດ               ໝາຍເລກໂທລະສັບ: 020 5209 6774.

3.      ທ່ານ ນາງ ມຸກດາ ສີປະເສີດ              ໝາຍເລກໂທລະສັບ: 020 9161 1301.